Korleis kan einskilde polymerar brått endra tilstand i temperatur, PH-verdi eller andre fysiske tilstandar, slik at polymeren får heilt andre eigenskapar?
Professor Bo Mattiasson frå Lunds universitet (bildet) var ein av føredragshaldarane under tirsdagens seminar om bioteknologi i framtida. Han snakka om kva innleggssolar, sjølvrensande flater og moderne separasjonsteknikk har sams: Smarte polymerar.
NTVA-seminar
Seminaret var i regi av Noregs Tekniske Vitskapsakademi og vart halde på Lerchendal gård. Tidlegare på dagen hadde mellom anna professor Gunnar von Heijne snakka om forståinga av biologi på eit molekylært nivå, medan professor Anne-Lise Børresen-Dale tok føre seg kreft og celler ute av kontroll, og korleis genteknologien kan brukast i kampen mot kreft. Professor Gustav Gaudernack forklarte at det vil vera mogleg å gje vaksinar mot kreft innan dei næraste åra.
Andre føredragshaldarar var professor Hans Krokan, forskar Vincent Eijsink og forskar Nennart Søderberg. NRK-journalist Olav Høgetveit var ordstyrar under paneldebatten som avslutta seminaret.
Biologien sitt hundreår
Det 21. undreår vil bli biologien sitt hundreår, slik dei hundre åra vi nettopp har lagt bak oss høyrde til teknologien. Denne spådomen sto som overskrift for seminaret. Nanoteknologi som utvikler mikroroboter som opererer inni kroppen; Dyrking av hud og indre organer som hjarte, lever og nyre utanfor kroppen: Total kartlegging av kroppens sjukdomsgenar som gjer det mogleg å kurere ei rad sjukdomar: Dette er nokre av moglegheitene som ligg i bioteknologiske gjennombrot i tiåra som kjem, vart det sagt under seminaret. Dersom ein står føre like store oppdagingar innan biologibasert teknologi, er det knapt mogleg å forutsei kva for utvikling ein står føre. Moglegheitene er uante – det er også dei etiske problemstillingane ein kan bli konfrontert med.
Tekst og foto: Tore Oksholen
