ICAT – International Center of Applied Thermodynamics si pris for unge forskarar heng høgt, og Sauar sin vegleiar, professor Signe Kjelstrup, legg ikkje skjul på at ein ved instituttet er ikkje så lite stolte over tildelinga.

Avhandlinga ber tittelen "The principle of equipartition of forces and its applications og ligg innafor området Anvendt termodynamikk. Sauar begynte tidleg å kombinera økonomisk nytte-kostteori med fagfeltet irreversibel termodynamikk. Med økonomisk teori som startpunkt, leita han etter den mest energieffektive – billegaste – måten å produsera ei viss mengd varme. Dette arbeidde han vidare på i doktorgraden sin, kor han mellom anna arbeidde ved Carnegie Mellon under professor Ydstie.

I tildelinga legg ein vekt på at Sauar har ein djup og unik forståing av fysisk kjemi, og at han har vist ein spesiell evne til å la forskinga resultera i teoretiske generaliseringar. Sauar er doktor techn., og dessutan cand. polit i sosialantropologi. I grunngjevinga for tildelinga vert denne tverrfaglegheita trekt fram.

Erik Sauar etablerte sitt eige firma i fjor. Etter kvart er fire dotterselskap stifta i Afrika og Asia, med til saman om lag femti tilsette. Sauar arbeier for tida spesielt med fremjing av solenergi.

– Prisen er ikkje noko stort kronebeløp, men det vart gjort ære på han, seier Kjelstrup.

Av Tore Oksholen