- Vi forstår ikkje republikanarane (11.9.02)

- Avstanden mellom USA og Europa aukar. Vi her på berget har spesielt store problem med å forstå korleis republikanarane tenker, seier professor i statsvitskap Torbjørn Knutsen.

Professor Knutsen har internasjonal politikk som spesialområde.

I Europa vert ein stadig meir uroleg over kva ein oppfattar som eit aggressivt USA. Professor Knutsen er ikkje i tvil om at avstanden mellom USA og Europa har auka etter det som på folkemunne i USA bare vert kalla "nineeleven".

Torbjørn Knutsen.

Hatar Bush
- USA er mykje ulikt. Det har vi lett for å gløyme. Mange amerikanarar hatar Bush, og dei er sterkt imot politikken han fører. Dette ser vi ikkje, for vi talar om "Amerikanaren" som éin person.

Flyangrepa 11. september i fjor har gjort tydelegare at det går eit skilje mellom demokratar og republikanarar i sentrale politiske spørsmål. I grunnleggjande spørsmål om marknadskreftene skal råde fritt, og om dei fattige har skulda for at dei er fattige, fell demokratane ned på same side som europearar flest, medan republikanarane i hovudsak er meir reine liberalistar. Dette synet får følgjer for utanrikspolitikken. Fattige statar må bere skulda for fattigdomen sjølv.

"Ikkje sosialkontor"
President Bush sin spesialrådgjevar Condolezza Rice sa det slik under valkampen: "USA skal ikkje vere verdas sosialkontor." Dette grip essensen i republikanaranes syn på utanrikspolitikk og fattigdom, seier Knutsen.

Meir militaristiske
Republikanarane er gjennomgåande: