Kan miste skattefritaket i USA (24.10.02)

Norge vil foreslå å ta bort skattefritaket for akademikarar når avtalen med USA skal reforhandlast, seier ekspedisjonssjef Odd Hengsle i Finansdepartementet.

Hengsle presiserer at ein ikkje har konkrete planar om reforhandling nå.

- Skattefritaket er ikkje i seg sjølv argument for å revidere avtalen. Men før eller seinare vil avtalen bli fornya, og då vil vi på norsk side be om at fritaket vert fjerna.

- Med andre ord må ein forte seg, dersom ein ønskjer å dra nytte av avtalen før de nfell vekk?

- Det var dine ord.

Ekspedisjonssjefen slår fast at det er heilt uaktuelt å leggje inn liknande vilkår om redusert skatt i avtaler med andre land.

Anakronisme?
- Det er norsk policy å søke tettare samarbeid med EU, ikkje minst når det gjeld forsking og utdanning. Framstår skattefritaket mest som ei anakronisme i dag?

- Klausulen er gammal, og er frå ei tid kor USA var særs viktig i det akademiske samarbeidet. Meir kan eg ikkje seie om dette i dag.