ISFIT 2003:
Frosne, trøtte, svoltne, tørste - og lykkelege (7.3.03, 15:13)

Festivalen er i gang. Fredag vart 4-500 studentar slusa gjennom mottaksapparatet på Samfundet. På nokre barkrakkar i Edgar møtte vi Fauzi, Dewi og Gene - som alle tenkte på ein ting: seng å sove i.

Fauzi (f.v.), Dewi og Gene håper på hyggelege vertsfamilier.

Fauzi og Dewi kjem frå Indonesia, medan Gene tok turen frå Singapore. Då Universitetsavisa trefte dei tre, hadde dei 20 timer bak seg i fly til Oslo, og ei natt på toget til Trondheim. Nå hadde dei sete tre timar på kvar sin barkrakk medan dei venta på å bli registrerte. Draumen er ein hyggeleg vertsfamilie og ei seng å sove i.

- Du kan skrive at vi frys og er svoltne og tørste - og lykkelege. OG at vi gler oss til festivalen, sa dei tre.

Rushet over
Dei besøkande studentane vart slusa inn frå oversida, og sette i kø for registrering. Deretter bar turen vidare for utplassering hos vertsfamiliane. Då Universitetsavisa var innom etter lunsj, var rushet over. Ting har stort sett gått etter planen.

Og kva Fauzi, Dewi og Gene la mest merke til ved første møte med Noreg? Gjett tre gonger.

- Kulda. Det er kaldt i landet ditt. Heime var det 33 grader, så dette er ikkje så lite eksotisk.

Tekst og foto: Tore Oksholen