Dei syngande doktorar (19.5.03, 15:15)

- Ikkje stol på umusikalske legar, åtvarar medisinarstudent Øystein Mjelva. Ein syngande doktor kjenner kroppens potensial. Du kan høyre dei her.

Doktorstudentane ved NTNU kan meir enn å trille pillar. Også tonane triller som perlar ut av mandige røystar.

"Foetus ex Ore" er det spenstige namnet på det medisinske mannskor i Trondheim. Studentane utgjer stammen i koret, men dei skryt av å ha ei eiga geriatrisk avdeling for songglade medisinprofessorar.

Ny CD
Nå har dei gjeve ut eit nytt album, med den dobbeltbunna tittelen "Bed Side Story." Her viser dei at doktorar kan gjere så mangt, sitjande på ein pasients sengekant.

Men heilt kvinnelause er dei ikkje, kan andretenor Øystein Mjelva fortelje.

- Vi treng ei kvinne til å halde orden på oss, seier han.

Såleis er det dirigent Heidi Totsaas som syt for at gutane held takten.

Av Tore Oksholen

 Hør lydklipp