Industriell design på trynet (12.1.04, 16:15)

Leikande studentar på trynet ned høgskulebakkane: Oppgåva var å lage ei snøleike det gjekk an å renne ned bakken med. Det gjekk på trynet, og det gjekk i filler. Snurr film!

Studieretninga industriell design (tidlegare Teknisk Design) ved Institutt for Produktdesign, fekk i oppdrag å designe og bygge ein fungerande prototype av ei snøleike, som introduksjon til studiet i Mastergrad i Teknologi i Industriell design.

LAV LUSEKOFTEFAKTOR: Faglærar Trond Are Øritsland og studentane hans tok Eksportrådet på ordet og laga moderne vinterutstyr for Märtha og Ari. Her står Øritsland med ei kjelke designa for et nytt årtusen.

Nokre av akesakene gjekk fort, andre gjekk ikkje i det heile. Og eit par knakk: Ei god røynsle for ein som vil lage leiker som tåler aktiv bruk.

Martha og Ari
Trond Are Øritsland er leiar for programmet og faglærar. Han forklarer bakgrunnen for tiltaket slik:

- Dette prosjektet tok utgangspunkt i ein sak i media i fjor, kor Märtha og Ari vart avbilda på reinskinn utanfor kongssetra i lusekofte i ein artikkel i International Vogue Magazine. Eksportrådet var kritisk til dette fordi dei mente slik Norgesreklame ikkje fremja identiteten til det moderne Norge, seier han.

Dette ville studentane gjere noko med. Dei fekk i oppgåve å lage ei snøleike i aluminium, tre og tekstil som uttrykte det moderne Norge gjennom øynene til en 18 til 28 åring. Kva for snøleiker kunne denne aldersgruppa tenke seg - utanom å ligge på reinskinn framføre kongssetra?

- Vakkert!
Faglæraren vart reint poetisk då han skulle beskrive prestasjonene deira:

- Fleire av akesakene hadde ein vakker, moderne design som utnytta materiala til å lage harmoniske og rene modernistiske utrykk. Noko helt anna enn plastikkleiketya i sportsbutikkane eller det klassiske romantiske norske skiutstyret, konkluderer Øritsland.

Tekst og foto: Tore Oksholen
Video/redigering: Fredrik Myklebust

 Se videoklipp