Kor stor ein øko-fot? (20.1.04, 10:31)

Kor store økologiske fotavtrykk har trondheimarane? Nå skal Program for industriell økologi hjelpe Trondheim kommune til å rekne ut kor byen står når det gjeld ressursbruk og forureining.

I budsjettvedtaket frå desember i fjor heiter det mellom anna at miljøavdelinga skal inngå samarbeid med NTNU om å styrke og vidareutvikle verkty som kan følgje utviklinga av byens miljøstatus. Ein har sett av 200.000 kroner til føremålet, og skal opprette ein ny stilling i miljøavdelinga som skal arbeide mykje med dette.

GRØN: Jan Bojer Vindheim har representert Dei Grøne i kommunestyret. Når er han vara. Vindheim skal leie komiteen som følgjer opp kommunens handlingsplan for klimaet.

Dei Grøne
Det er Jan Bojer Vindheim frå Miljøpartiet Dei Grøne som er primus motor i tiltaket. Vindheim vert venteleg leiar for utvalet som skal følgje opp utviklinga av byens miljøstatus.

Vindheim er oppteken av at ein får utvikla system som gjer det mogleg å overvake miljøsituasjonen kontinuerleg.

- Med automatisk oppdatering over tid får politikarar, byråkratar og media høve til heile tida å vere oppdatert på ressursbruk og forureining, seier Vindheim.

- Bra inititativ
Instituttstyrar Edgar Hertwich ved Industriell økologi synest prosjektet er eit svært bra initiativ.

- Ein må tru at dette vil gjere kommunen mykje meir medviten på eigen åtferd på området, seier han.

Parametra som ligg i "økologiske fotavtrykk" har vore nytta av Oslo kommune. Hertwich synest likevel ikkje parametre er gode nok.

- Dei omfattar mest ressursbruk. Vi har arbeidd med modellar som er meir fleirdimensjonale, og omfattar ulike formar for forureining, seier han.

To studentar
Hertwich opplyser at instituttet vil sette av to studentar til føremålet. I første omgang for prosjektoppgåve, men etter kvart vil det bli tale om diplomoppgåve, seier Hertwich.

Av Tore Oksholen