Fysikkentusiast blant likemenn
(3.11.06, 16:28) Jørn Mjelva (15) deltok i emnet moderne fysikk i tv-programmet Kvitt eller dobbelt på NRK. Fysikkprofessor Kristian Fossheim vart dyktig imponert over innsatsen og inviterte han til NTNU. Fossheim sørga for at skoleeleven fra Harfsfjord fikk ei heildagsoppleving ved Institutt for fysikk fredag.
Jørn Mjelva og professoren kommuniserer greitt, på same nivå.
Ved elektronmikroskopet i underetasjen på Realfagsbygget er Mjelva, som nyleg har begynt på den tradisjonsrike Stavanger katedralskole, interessert i hydrogen som drivstoff.
Framtid i Trondheim
Om noen år kjem Jørn Mjelva sannnsynlegvis tilbake til Trondheim.
-Ja, eg har tenkt å studere ved NTNU, fortel han. Eg er mest interessert i teoretisk fysikk.
Han snakkar artikulert om eksempel: korleis forklare fysikkfagleg kva som skjer med ein ball som sprett?
-Eg er veldig nysgjerrig, eg reknar med å få mykje ut av denne dagen i Trondheim.
Heider frå ein røynd fysikar
Kristian Fossheim er overvelda over både Mjelvas kunnskapsnivå og hans måte å presentere fysikkfaget offentleg på:
-Den sikre måten han førte seg på og snakka om fysikk på i beste sendetid i NRK, til alle ungdommane og barna i dei tusen heimar. At ein femtenårig kan stå fram på denne måten, betyr særs mye for å skape nødvendig interesse for naturvitskapane.
Kritikk av oppgåvene
Fossheim er derimot lite begeistra over måten enkelte av spørsmåla til Jørn Mjelva vart formulert på i Kvitt eller Dobbelt. Han anar manglande pedagogisk erfaring som bakgrunn for spørsmålstilling: Ein femtenåring utan matematisk bakgrunn kan vanskeleg skjøne hensikten med å spørre om det matematiske namnet på sort hol eller tilstanden til eit sort hol. Sjøl om Mjelva kjente til begrepet singularitet, greidde han ikkje å bruke det i denne samanhengen.
Dessutan kom det eit spørsmål om spaghettifsering, det var første gongen NTNU-professoren for sin del hadde høyrd dette ordet.
Jørn Mjelvas dag omfattar blant anna Arnolf Bjølstads instrumentverkstad og NTNUs medverknad til oppbygging av nanoteknologilaboratorium.
Tekst og foto: Kjell Håve | 
