STUDENTRØSTEN:
Martin A. Sværen: Campusmaset… (30.3.07, 16:00)

Eg ynskjer å starta med å sei: ”God påske!”

Ein salig blanding av appelsin, snø og klister ventar oss i dagane som kjem, men også litt tid til ettertanke. Påskeferien gir mange tid til å tenkja litt ekstra over kva dei har sagt og gjort og kva dei skal gjera i tida etter påske.

Det er med denne tanken i hovudet eg ber om at dei siste dagane med skitkasting og spekulering går over i historia. Media og styrerepresentantar har spekulert i habiliteten til Inge Fottland og andre på ein måte som ikkje sømmer seg på ein arbeidsplass eller i eit samfunn. Er det verkelege saker med bevis skal det sjølvsagt fram, men ein følelse av grums er ikkje grunn nok.

Kva er det eigentleg med campusprosjektet som skapar så store motføresetnadar og så store splittingar i ein institusjon som NTNU?

Dette svaret ynskjer eg ikkje å gi, det får heller vera opp til dei som skapar denne holdninga å gjera.

Campusutvklinga starta behovet for eit større biblioteksbygg på Dragvoll og endar med ...? Forhåpentlegvis endar det med eit vedtak i Stortinget om eincampus, men dette er ein vel utopi. Dette sjølv om det første Anniken Huidfeldt lurte på når eg hadde møte med ho sist tysdag, var korleis det gjekk med campusutvklinga.

Det er uansett langt fram i tid og først må styret vedta å senda inn KS1 dokumentet. Eg ynskjar styret lykke til. Og vonar samtidig at tilsetterepresentantane kan heva seg over det faktum at deira nye kontor og parkeringsplass ikkje er spesifisert på teikningane eller i planane, men at ein heller ser på utviklinga av NTNU som eitt universitet, og kva campusutvikling kan legga til for at NTNU skal bli internasjonalt framifrå.

Før ein skal byrja å slå på stortromma med dette store campusutviklingsprosjektet, bør ein kanskje gjera seg ferdig med 6B, dette bygget er ikkje endå klart for bruk, til trass for å ha stått ”ferdig” sidan januar.

Framifrå på studentpolitikk
23.03.2007 vil forhåpentlegvis vera like banebrytande for studentane i Noreg som 10.05.2006 var for NTNU, men for studentane vil denne datoen bli hugsa for sin positive innverknad. Norsk Studentunion, der Studenttinget er eit av medlemslaga, bestemte seg på denne datoen for at ein ynskjer ein felles studentorganisasjon i Noreg, og at ein vil slå seg saman med Studentenes Landsforbund. 13.04.2007 blir om lag like spanande for studentane på NTNU som dagen då Stortinget skal behandla KS1.

Tilbake til NTNU
Problemet kring fellesgrader er ikkje ein lett problemstilling, men fleire medlemmar av KUF-komiteen* på Stortinget er heilt einig med underteikna og Studenttinget i at gratisprinsippet ikkje på nokon måte skal utfordras i norsk utdanning. Her må NTNU finna ei løysing saman med Kunnskapsdepartementet.

Ha ein god påskeferie og vonar alle kjem nybrune og utkvilte tilbake etter ferien.

Martin Aspebakken Sværen
Leiar Studenttinget NTNU

*KUF-komiteen = Kyrkje-, utdannings- og forskingskomiteen på Stortinget