Jazzeksamen på Blæst (29.5.07, 06:31)

Det er ikkje vanleg å betale for å vere til stades på ein eksamen. Men det er det fleire som gjer når jazz-sangarinne og musikkstudent Tone Åse gjennomfører konserten X-amen.

Når Tone Åse seint i kveld syng på scenen på Blæst, er det X-amen, den praktiske delen av den. Fullføringa av hovudfaget i musikk er førebudd gjennom mange år, seier ho, så i den siste veka har ho turnert aktivt.

Tone Åse har i mange år vore sentral i Trondheims improvisasjonsmiljø, kjent blant anna frå Kvitretten.

Pinseaften møtte vi henne til portrettintervju på Dokkhusets takterrasse.