Abelaktig nittenåring (7.3.08, 09:30)

Jørgen Vold Rennemo vann Abelkonkurransen - for fjerde år på rad!

Kristian Seip slo fast like før premieutdelinga for Abelkonkurransen i går kveld at alle 22 finaledeltakarar hadde vunne. Finaleplass er ein siger etter tidlegare omgangar med først 3700 og så 342 deltakarar.

ALLE ER VINNARAR: I utgangspunktet deltok noen tusen. Dette er noen av dei 22 som underkasta seg finaleprøva i Rådssalen i NTNUs hovudbygning.

Noen minutt etter at Kristian Seip hadde vore uformell om fellessigeren, kunne han som formell premieutdelar bruke formuleringa ”som vanlig, hadde jeg nær sagt”, da han avsørte at førstepremien likevel gjekk til Jørgen Vold Rennemo fra Lillehammer videregående skole.

Forsmak på NTNU
Det er elevar ved landets vidaregåande skolar som tevlar i Niels Henrik Abels matematikkonkurranse. I år er det tredje gong den har blitt arrangert med NTNU som vert. Sjølve konkurransen var ein 4 timars prøve – den vart halden i går torsdag.

Jørgen Vold Rennemo vann for fjerde år på rad, første gongen var da han deltok på dispensasjon som ungdomsskoleelev.

ROLEG FØRSTEPREMIEVINNAR: Interesse for Jørgen Vold Rennemo, som går på skole på Lillehammer og har mye slekt i Trøndelag. Tydeleg at han tykte det var artig, til liks med professor Idun Reiten t.h.

I namnet til eit ungt geni
Konkurransen blir arrangert av Norsk Matematisk Foreining i samarbeid med Abelprisen, matematikkens Nobelpris.

Prisutdelarar var NTNU-professorane Kristian Seip, leiar for Abelkomiteen, som deler ut Abelprisen, og Idun Reiten, medlem av Abelkomiteens styre.

Den mest vinnande blant vinnarane, unge Vold Rennemo, er komen opp i såpass til alder som 19 år og kan vel derfor vanskeleg vere aktuell i fleire omgangar.

DEI SEKS BESTE: Sivert Bocianowski, Ski videregående skole (2. plass); Felix T. Printz, Dahlske vgs.-Grimstad; Jørgen Vold Rennemo, Lillehammer vgs (1. plass); Øyvind Bakke, NTNU, leiar for konkurransens arbeidsutval, Stian Valle, Hammerfest vgs. (3. plass), Thomas Berge Grythe, Kirkeparken vgs.-Moss og Andrés Gómez Emilsson, Red Cross Nordic United World College, Flekke i Sunnfjord.

OL neste!
I dag held programmet fram for dei 22 som har kome til NTNUs vertsby. Det er rikeleg med teknologiopplevingar, blant anna elektronikkløype og sfærevrenging!

I går var gjestane på Prinsen kino og såg filmen om matematikkgeniet og nobelprisvinnaren (i økonomi) John Forbes Nash, ”Et vakkert sinn”.

Dei tre beste frå Abelkonkurransen blir automatisk kvalifisert til den internasjonale matematikkolympiaden i Spania i juli. Tre andre skal óg takast ut til Norges lag – dei seks skal få vere med på Abelprisutdelinga i Oslo i mai.

Norsk matematikkforeining dekker deltaking for dei to beste på juniorkongress i matematikk i Jena i Tyskland i august.

Tekst og foto Kjell Håve