WHAT og WHERE (8.9.02, 20:43)

Fagfolka deler defekten "Visual processing" inn i to, ut frå kva for prosessar som er involvert.

Den eine heiter "dorsal stream" og vert kalla "Where" - kor hen. Dette er kopla til raske forandringar i omgjevnadene, og kan også relaterast til lokalisering og kan hende lesing. Dyslektikarar har problem her.

Den andre faktoren handlar om problem i "ventral stream" og vert kalla "What." Dette er kopla til kognitive oppgåver som gjenkjenning, form og farge. Dysfunksjonar her kan gjere at ein har problemer med mellom anna å kjenne att form og fargar.

Dorsal og ventral
Synsinntrykk treff først retina (netthinna). Neste stasjon er visuell cortex. Derifrå deler synsinntrykka seg i to straumar. Den eine går til parietal cortex, som er området i hjernen som styrer rørsleområdet, og som går på å plassere objekter i omverda. Dette er dorsal stream.

Den andre straumen går frå visual cortex til temporal cortex. Det er dette som går på visuell gjenkjenning - i hovudsak form og farge.

Dyslektikere har problemer med dorsal stream, medan dei klossete har problem med både dorsal og ventral stream.